Cənub-Şərqi Asiya Dövlətləri Assosiasiyası (ASEAN) regional əməkdaşlığın uğurlu nümunəsidir.
“Report” xəbər verir ki, bunu ABŞ-nin Xarici Əlaqələr üzrə Milli Komitəsinin prezidenti və baş icraçı direktoru Suzan Elliott XI Qlobal Bakı Forumunda keçirilən panel müzakirəsində deyib.
O xatırladıb ki, ilk vaxtlarda bu qurum iqtisadi təşkilat kimi yaradılmadı: "Cənub-Şərqi Asiya ölkələri birləşərək təkcə iqtisadi deyil, mədəni, elmi və digər sahələrdə əməkdaşlıq etməyin yollarını axtarmaq istəyirdilər. Bu təşkilat 50 ildən artıqdır mövcuddur və böyük uğur və tərəqqi nümayiş etdirib”.