Azərbaycanda su qıtlığı müşahidə olunur ki, bu da ən böyük problemdən biridir.
"Birxeber.Az" xəbər verir ki, bunu jurnalistlərə açıqlamasında Azərbaycan Dövlət Su Ehtiyatları Agentliyinin sədrinin müşaviri Əsəd Şirinov Bakı Su Həftəsi ("Baku Water Week") çərçivəsində Azərbaycanda ilk dəfə keçirilən Beynəlxalq Su Təsərrüfatı Sərgi və Konfransında bildirib.
"Su ehtiyatlarının ölçülməsi vacib məsələdir. Təssüf ki, son illər buna az diqqət yetirmişik. Amma yeni strategiyamız həm yeraltı, həm yerüstü suların həcmini təhlil edib düzgün analizlər aparmaqdır", - deyə o qeyd edib.