Birxeber.az / "Qarabağ" dünya reytinqində 11 pillə irəliləyib

"Qarabağ" dünya reytinqində 11 pillə irəliləyib

20-01-2024, 11:50

Beynəlxalq Futbol Tarixi və Statistikaları Federasiyası (IFFHS) klubların yeni dünya reytinqini açıqlayıb.

Apasport.az qurumun rəsmi saytına istinadla xəbər verir ki, 2023-cü ilin yekun siyahısında Azərbaycanın 3 təmsilçisi yer alıb.

Ötən ay 84-cü yerdə olan “Qarabağ” 11 pillə yüksələrək 73-cü yerdə qərarlaşıb. "Qarabağ"ın hesabında 145,5 xal var.

“Neftçi” və “Sabah” isə siyahıda geriləyib. “Neftçi” (53,75 xal) 378-ci yerdən 469-cu pilləyə enib. “Sabah” isə (55,5 xal) 391-ciliyi 436-cı pilləyə dəyişib.

Siyahının ilk "3-lüyü" isə belədir:

“Mançester Siti” (359 xal);

“Real” (332 xal);

“İnter” (289).

Geri qayıt