İngiltərənin "Liverpul" klubunun misirli ulduz futbolçusu Məhəmməd Salah məşqlərə başlayıb.
"Birxeber.Az" xəbər verir ki, bu barədə "Sky Sports" məlumat yayıb.
Misirli hücumçu İngiltərə Premyer Liqasının 28-ci turunda keçiriləcək "Mançester Siti" ilə matçdan öncə komanda ilə birgə məşqlərə qoşulub. Onun martın 10-da "Enfild"də baş tutacaq oyuna qədər hazır olacağı gözlənilir.
M.Salah Afrika Millətlər Kubokunda Misirin Qana millisi ilə görüşündə zədələnib. O, bu səbəbdən "Liverpul"un son 4 matçında meydana çıxa bilməyib.
Qeyd edək ki, Məhəmməd Salah bu mövsüm iştirak etdiyi qarşılaşmalarda 19 qol vurub və 9 məhsuldar ötürmə edib.