Avropa İttifaqı və Azərbaycan arasında təbii qaz, hidrogen və yaşıl enerji sahələrində əməkdaşlıq enerji təhlükəsizliyinin gücləndirilməsi aspektində dəyərləndirilib.
“APA-Economics” xəbər verir ki, bu barədə energetika naziri Pərviz Şahbazov “X“ sosial şəbəkəsindəki hesabında paylaşım edib.
“AK-nın enerji məsələləri üzrə komissarı K.Simsonla təbii qaz, hidrogen və yaşıl enerji sahələrində əməkdaşlığımızı enerji təhlükəsizliyinin gücləndirilməsi aspektində dəyərləndirdik. Qaz və yaşıl enerji dəhlizlərinin inkişafı istiqamətində növbəti addımlarımızı, "Xəzər-Aİ Yaşıl Enerji Dəhlizi" layihəsinə PMI statusunun verilməsi ilə bağlı prosesi sürətləndirməyi razılaşdırdıq”, - paylaşımda qeyd olunub.