Böyük Britaniya Hərbi Dəniz Qüvvələri yanında Dəniz Ticarət Daşımaları üzrə Koordinasiya Mərkəzi (UKMTO) Yəmən sahillərində gəmiyə hücum edildiyini açıqlayıb.
“Report” bu barədə TASS-a istinadən xəbər verir.
Məlumata görə, hadisə Yəmənin Ədən limanından 45 dəniz mili cənubda baş verib.
“Səlahiyyətlilər araşdırmalar aparır. Gəmilərə ehtiyatlı olmaq və hər hansı şübhəli fəaliyyət barədə UKMTO-ya məlumat vermək tövsiyə olunur”, - məlumatda qeyd edilib.
Koordinasiya Mərkəzi hadisəni hücum kimi təsnif edərək, bu barədə məlumatın gəminin kapitanından alındığını bildirib.