NATO Baş katibi Yens Stoltenberq Macarıstan parlamentinin İsveçlə bağlı qərarını alqışlayıb.
APA xəbər verir ki, bu barədə Baş katib "X" hesabında paylaşım edib.
"Mən Macarıstan parlamentinin İsveçin NATO-ya üzvlüyünü ratifikasiyasına səs verməsini alqışlayıram. Artıq bütün müttəfiqlər təsdiq etdikdən sonra İsveç NATO-nun 32-ci müttəfiqi olacaq. İsveçin üzvlüyü hamımızı daha güclü və təhlükəsiz edəcək" - Stoltenberq vurğulayıb.