KİV: Almaniya və Hindistan Ukrayna SQ üçün mərmi tədarükü ilə bağlı gizli danışıqlar aparır

Almaniya Hindistanla bir neçə yüz min artilleriya mərmisinin Ukrayna Silahlı Qüvvələrinə (SQ) tədarükü ilə bağlı gizli danışıqlar aparır.

“Birxeber.Az” xəbər verir ki, bu barədə “Spiegel” nəşri mənbələrinə istinadən məlumat yayıb.

Bildirilib ki, danışıqlar məxfi xarakter daşıyır, çünki Hindistan hakimiyyəti Rusiya ilə münasibətləri korlamaq istəmir.

Qeyd edilib ki, Ukrayna Silahlı Qüvvələrinin maraqlarına uyğun olan belə razılaşmalar ərəb ölkələri ilə də əldə oluna bilər: “Onların bəziləri də böyük mərmi ehtiyatına malikdir”.

Almaniya Müdafiə Nazirliyinin Ukraynaya yardımın əlaqələndirilməsi üzrə işçi qrupunun rəhbəri general Kristian Freydinq isə qeyd edib ki, 2024-cü ildə Almaniya hökuməti Ukraynaya silahların alınması üçün 7 milyard avro ayıracaq.