Gəncə və Naxçıvanda "Outlet Qarage" günləri keçiriləcək

Bu il aprel-may aylarında Gəncə və Naxçıvan şəhərlərində "Outlet Qarage" günlərinin keçirilməsi planlaşdırılır.

"Birxeber.Az" bu barədə "Azərbaycan Pərakəndə Geyim İdxalçıları Assosiasiyası" (AFRA) İctimai Birliyinə istinadən xəbər verir.

Məlumata görə, Assosiasiya üzvlərinin növbəti toplantısı keçirilib. Qurumun İdarə Heyətinin sədri Fərid Novruzinin sədrliyi ilə baş tutan toplantıda 2023-cü ilin yekunları müzakirə olunub, 2024-cü il üzrə Fəaliyyət Planı təstiq edilib.

Fəaliyyət planına uyğun olaraq, 12 aprel-12 may tarixlərində paytaxt Bakıda növbəti Ticarət Festivalı ("Azerbaijan Shopping Festival), Gəncə və Naxçıvanda isə "Outlet Garage" günləri təşkil ediləcək. Artıq bu istiqamətdə hazırlıq işləri aparılır.

2024-cü ildə tətbiq ediləcək yenilik və AFRA üzvlərinin dəstəklədiyi mövzu isə - yaz aylarında Bakıda moda tədbirinin təşkil edilməsidir.