Cəlilabadda minik avtomobili şagirdi vurub

Cəlilabadda piyadanın xəsarət alması ilə nəticələnən yol qəzası baş verib.

APA-nın Cənub bürosunun verdiyi məluma görə, hadisə rayonun Uzuntəpə kəndi ərazisində qeydə alınıb.

N. Ağayev idarə etdiyi "Honda" markalı minik avtomobili ilə hərəkətdə olarkən 2015-ci il təvəllüdlü Z. Abbasovanı vurub. Müxtəlif dərəcəli bədən xəsarətləri alan azyaşlını sürücü özü rayon xəstəxanasına çatdırıb.

Faktla bağlı araşdırma aparılır.