Ölkədə alkaqollu və alkaqolsuz içkilərdən gəlir azalıb

Car ilin yanvarında Azərbaycan 3 104.24 min ABŞ dolları dəyərində alkaqollu və alkaqolsuz içki, sirkə ixrac edib.

“APA-Economics”in Dövlət Gömrük Komitəsinə (DGK) istinadən xəbərinə görə, bu da ötən ilin müvafiq dövrü ilə müqayisədə dəyər ifadəsində 33 faiz azalma deməkdir.

Car ilin yanvarında Azərbaycana 4 658.47 min ABŞ dolları dəyərində alkaqollu və alkaqolsuz içki, sirkə idxal edilib. Bu da ötən ilin müvafiq dövrü ilə müqayisədə dəyər ifadəsində 3.68 faiz artım deməkdir.