Türk Mədəniyyəti və İrsi Fondu Fransada Natəvanın heykəlinə qarşı vandalizm aktını pisləyib

Türk Mədəniyyəti və İrsi Fondu Fransada Natəvanın heykəlinə qarşı vandalizm aktını pisləyib

Beynəlxalq Türk Mədəniyyəti və İrsi Fondu Fransada Azərbaycanın tanınmış şairəsi Xurşidbanu Natəvanın heykəlinə qarşı törədilmiş qeyri-etik hərəkətləri vandalizm aktı kimi qiymətləndirib.

"Report" xəbər verir ki, Fond bu barədə bəyanat yayıb.

Bildirilib ki, Türk Mədəniyyəti və İrsi Fondu bu kimi hərəkətlərin qarşısının alınması və dünyadakı türk mədəni irs nümunələrinin qorunub saxlanmasına diqqətlə yanaşmağı tələb edir:

"Xurşidbanu Natəvanın heykəlinə qarşı törədilmiş qeyri-etik hərəkəti şiddətlə qınayır, bunu qədim və zəngin ümumtürk mədəni irsinə qarşı törədilmiş vandalizm aktı kimi qiymətləndiririk".