Qadın minaaxtaran: Bu, qadın üçün çətin, təhlükəli olsa da, işimizi sevirik

"Azad olunan ərazilərdə ən çox piyada, nəqliyyat əleyhinə minalara rast gəlirik".

Bunu Ağdamda mina təmizləmə fəaliyyəti ilə məşğul olan, 25 yaşlı Aytən İsmayılova APA-ya açıqlamasında deyib.

“Bu, qadın üçün çətin, təhlükəli iş olsa da, işimizi sevirik. Layihəyə Bakı şəhərindən qatılmışam. İyun ayından təlimlərə cəlb olunduq. Sentyabr ayından isə ərazidə işləyirik. İşimizin öhdəsindən gələ bilirik, indiyədək hər hansı xüsusi hadisə baş verməyib. İnşallah, işimizi uğurla başa vuracağıq”, deyə A.İsmayılova əlavə edib.