ABŞ səfiri Ermənistan-Azərbaycan şərti sərhədində baş vermiş gərginliyə münasibət bildirib

ABŞ səfiri Mark Libbi son günlər Ermənistan-Azərbaycan şərti sərhədində baş vermiş gərginliyə münasibət bildirib.

Birxeber.Az xəbər verir ki, diplomat yerli mediaya açıqlamasında bildirib ki, sərhəddəki gərginlik həqiqətən narahatedicidir.

“Belə insidentlər vəziyyətin daha da pisləşmə ehtimalını göstərir. Tərəfləri eskalasiyadan çəkinməyə, dialoqa çağırırıq”, - ABŞ səfiri vurğulayıb.

Diplomat onu da qeyd edib ki, ABŞ hər zaman Azərbaycan və Ermənistanın ərazi bütövlüyünü tanıyıb: “Biz Azərbaycanın ərazisində hər hansı qurumu tanımamışıq və Azərbaycanın ərazi bütövlüyü ilə bağlı BMT qətnamələrinə səs vermişik”.

Onun fikrincə, Azərbaycan və Ermənistan iki qonşu ölkə olaraq harmoniya və sülh içində ticarət tərəfdaşı ola bilər.

Mark Libbi ABŞ-nin dayanıqlı və dayanıqlı sülhü dəstəklədiyini diqqətə çatdırıb.