UNEC-də akademik etika ilə bağlı yeni qərar qəbul edilib

UNEC-də akademik etikanın təmin edilməsi məqsədilə müzakirələr keçirilib.

Birxeber.Az xəbər verir ki, müzakirələr zamanı UNEC-də hazırda tətbiq edilən antiplagiat proqramının digər antiplagiat proqramları ilə səmərəlilik baxımından müqayisəsi aparılıb. Proqramların müsbət və mənfi tərəfləri təhlil olunduqdan sonra UNEC-dəki antiplagiat sisteminin təkmilləşdirilməsinə, dünyanın aparıcı universitetlərinin də üstünlük verdiyi proqramın tətbiqinə qərar verilib.

Həmçinin plagiat hallarının qarşısının alınması, akademik dürüstlük prinsiplərinə əməl olunması məqsədilə tələbələrin və doktorantların UNEC-in təsdiqlədiyi “Təhsilalanların Etik Davranış Kodeksi” barədə maarifləndirilməsinin əhəmiyyəti vurğulanıb.