XİN: Rusiya Ermənistan-Azərbaycan sərhədində vəziyyətin gərginləşməsindən ciddi narahatdır

Rusiya Ermənistan-Azərbaycan şərti sərhədində vəziyyətin gərginləşməsindən ciddi narahatdır.

“Report” xəbər verir ki, bunu Rusiya Xarici İşlər Nazirliyinin (XİN) rəsmi nümayəndəsi Mariya Zaxarova bu gün keçirdiyi brifinq zamanı deyib.

“Biz Bakı və İrəvanı təmkinli olmağa çağırırıq. Bütün ortaya çıxan məsələlər müstəsna olaraq sülh yolu ilə siyasi və diplomatik yollarla həll edilməlidir. Baş verənlər bir daha təsdiqləyir ki, Azərbaycan və Ermənistan 2020-2022-ci illərdə bağlanmış üçtərəfli bəyanatın ən yüksək səviyyədə həyata keçirilməsinə tezliklə qayıtmalıdır”, - o vurğulayıb.