"Napoli" Maradonanın dönəmindəki rekordu təkrarlayıb

"Napoli" İtaliya A Seriyasında öz rekordunu təkrarlayıb.

"Birxeber"un məlumatına görə, Luçano Spalettinin baş məşqçi olduğu komanda buna "Roma"nı 1:0 hesabı ilə məğlub etdikləri XI tur oyununda nail olub.

Neapol təmsilçisi bütün turnirlərdə ardıcıl 11-ci qələbəsini qazanıb və ardıcıl qələbələrin sayına görə 1986-ci ildə müəyyən edilmiş klub rekordunu təkrarlayıb. Həmin dönəmdə argentinalı əfsanəvi futbolçu Dieqo Maradona komandada çıxış edib.

Qeyd edək ki, "Napoli" 29 xalla turnir cədvəlinə başçılıq edir.