İsveç Macarıstanın tezliklə NATO-ya üzvlüklə bağlı protokolu ratifikasiya edəcəyinə ümidvardır
İsveç xarici işlər naziri Tobias Billström Macarıstanın tezliklə İsveçin NATO-ya üzvlüklə bağlı protokolu ratifikasiya edəcəyinə ümid edir.
APA SVD-yə istinadən xəbər verir ki, bu barədə İsveç XİN rəhbəri ölkəsinin xarici siyasət prioritetləri barədə danışarkən deyib.
Nazir bildirib ki, İsveç NATO-ya tamhüquqlu üzv kimi daxil olmağa hazırdır.
“Biz Türkiyənin ratifikasiya prosesini tamamlamasını alqışlayırıq və Macarıstanın da tezliklə eyni addımı atacağını gözləyirik”, - Billström qeyd edib.
Onun sözlərinə görə, İsveçin müdafiə xərcləri artıq illərdir ÜDM-in iki faizini ötür və yaxın gələcəkdə də bunu davam etdirəcək.