KTMT-nin növbəti təlimi Mərkəzi Asiya ölkələrində keçiriləcək

KTMT-nin növbəti təlimi Mərkəzi Asiya ölkələrində keçiriləcək

Kollektiv Təhlükəsizlik Müqaviləsi Təşkilatının (KTMT) təlimləri Qırğızıstan, Qazaxıstan və Tacikistanda keçiriləcək. Təlimlər çərçivəsində altı tədbirin 2024-cü ilin sentyabr-oktyabr aylarında keçirilməsi planlaşdırılır.

“Birxeber.Az” “İnterfaks”a istinadən xəbər verir ki, bu barədə KTMT-nin Birləşmiş Qərargah rəisi Andrey Serdyukov bildirib.

“Bura Qırğızıstan Respublikası ərazisində KTMT-nin kollektiv çevik reaksiya qüvvələri ilə “Qarşılıqlı fəaliyyət-2024” komanda-qərargah təlimi, “Axtarış-2024” kəşfiyyat qüvvələri və vasitələri ilə xüsusi təlim, KTMT qoşunlarının maddi-texniki təminatı qüvvələri və vasitələri ilə “Eşelon-2024” xüsusi təlimi aiddir”, - o bildirib.

Onun sözlərinə görə, Tacikistanda “Hüdud-2024” birgə təliminin, Qazaxıstan ərazisində KTMT sülhməramlı qüvvələri ilə “Sarsılmaz Qardaşlıq 2024” komanda-qərargah təliminin keçirilməsi planlaşdırılır.