Ukrayna Qara dənizdə Rusiyanın desant gəmisinə dron zərbəsi endirib
Ukrayna Qara dənizdə Rusiya donanmasına məxsus desant gəmisinə dron zərbəsi endirib.
Birxeber.Az "Reuters"ə istinadən xəbər verir ki, Ukrayna KİV-i Krımın cənub sahillərində üzən gəmidən tüstü qalxmasını, həmçinin dəniz üzərində uçan helikopterlərin əks olunduğu görüntülər paylaşıb.
Ukraynalı deputat Aleksey Qonçarenko USQ tərəfindən hədəfə alınmış gəminin Rusiyanın 2008-ci ildə Gürcüstandakı hərbi əməliyyatlarında iştirak etmiş "Sezar Kunikov" desant gəmisi olduğunu bildirib.
Ukrayna ordusunun Baş Qərargahı Rusiya hərbi gəmisinin vurulması faktını təsdiqləyib.
Ukrayna Müdafiə Nazirliyinin adı açıqlanmayan rəsmisi CNN-ə açıqlamasında hərbi gəmiyə hücum zamanı "Magura" suüstü dronlarından istifadə edildiyini və gəminin təmiredilməz hala salındığını bildirib.