Baş katib: Anqolanın OPEC-dən çıxması narahatlığa səbəb deyil

Baş katib: Anqolanın OPEC-dən çıxması narahatlığa səbəb deyil

Anqolanın Neft İxrac Edən Ölkələr Təşkilatından (OPEC) çıxması narahatlığa səbəb deyil. Bir üzvün təşkilatdan çıxması ilk dəfə deyil və istəsə, həmin ölkə geri qayıda bilər.

APA-Economics” xəbər verir ki, bunu “Reuters”a açıqlamasında Neft İxrac edən Ölkələr Təşkilatının (OPEC) Baş katibi Haysam Əl-Qays bildirib.

"Üzvün öz səbəbləri ilə bağlı təşkilatı tərk etməsi ilk dəfə deyil. Bizdə ayrılan və qoşulan üzvlərimiz var, ayrılıb yenidən qayıdan üzvlərimiz də var, ona görə də bu məni çox narahat etmir", - Baş katib qeyd edib.

Haysam Əl-Qays onu da əlavə edib ki, əgər gələcəkdə bunu etmək istəsə, ölkə təşkilata yenidən qoşula bilər.

Dekabr ayında Anqola OPEC-dən çıxdığını elan etdi. Ölkənin neft, qaz və mineral sərvətlər naziri Diamontino Azevedonun sözlərinə görə, Anqolanın təşkilatdakı rolu əhəmiyyətli deyildi və ölkənin OPEC-də iştirakı milli maraqlara cavab vermirdi.