Livanda vəbaya yoluxanların sayı 26-ya çatıb, bir nəfər ölüb
https://birxeber.az//uploads/rss/livanda-vebaya-yoluxanlarin-sayi-26-ya-chatib-bir-nefer-olub.jpg
Livanda vəba vibrionuna yoluxma hallarının sayı bir gündə 8 nəfər artaraq 26-ya çatıb.
“Birxeber” xəbər verir ki, bu barədə ölkənin Səhiyyə Nazirliyi məlumat yayıb.
Həmçinin oktyabrın 12-də ilk ölüm halı qeydə alınıb. Livanın şimalında yoluxmuş xəstələrdən biri dünyasını dəyişib.
“Vəbanın yayılması ilə mübarizə üçün səlahiyyətli orqanlar tərəfindən görülən bütün tədbirlərə baxmayaraq, yoluxma hallarının sayı hər gün artır”, - məlumatda vurğulanıb.
Həkimlər Həmkarlar İttifaqının rəhbəri Yusif Bəhhaş bildirib ki, vəba Livana Suriyadan gəlib və burada onun kütləvi yayılması müşahidə olunur. Onun fikrincə, virusu ölkəyə gətirən qaçqınlar olub.
