ƏDV qaytaran xidmət və məhsullar - ARAŞDIRMA

ƏDV qaytaran xidmət və məhsullar - ARAŞDIRMA
13,99%-dən ZAMİNSİZ, KOMİSSİYASIZ NAĞD KREDİT

Son bir neçə ildə əhalinin böyük marağına səbəb olmuş layihələrdən biri də alınmış mallara və xidmətlərə görə ödənilmiş əlavə dəyər vergisinin (ƏDV) bir hissəsinin geri alınmasıdır.

Təsadüfi deyil ki, ən son məlumata görə, ƏDV-nin bir hissəsinin qaytarılması üçün “www.edvgerial.az” portalında 1,9 milyona yaxın istifadəçi qeydə alınıb. İqtisadiyyat Nazirliyi yanında Dövlət Vergi Xidmətinin yaydığı axırıncı məlumata görə, “ƏDV geri al” layihəsinin tətbiq edildiyi vaxtdan 2022-ci ilin sentyabrınadək portalda qeydiyyatdan keçmiş istehlakçılara ümumilikdə 732 milyon 105 min 401 kassa çeki üzrə 305,5 milyon manatdan çox, təkcə bu ilin yanvar-avqust ayları ərzində isə 303 milyon 851 min 384 çek üzrə 133,6 milyon manatdan çox ƏDV məbləği geri qaytarılıb.

Bəs ƏDV-ni harada və hansı məhsullar üzrə geri almaq olur?

Bu barədə Dövlət Vergi Xidməti tərəfindən xeyli maarifləndirici məlumatlar paylaşılsa da, əhalinin müəyyən hissəsində sual yaradan məqamlar var.

Birxeber bu barədə araşdırma edərək ƏDV-ni geri qaytaran xidmət və məhsullara bir daha aydınlıq gətirib.

Qeyd edək ki, ƏDV-nin müəyyən hissəsinin qaytarılması üçün alış-veriş edən və ya xidmətlərdən yararlanan tərəf fiziki şəxs, satıcı və ya xidmət göstərən tərəf isə ƏDV ödəyicisi olmalıdır. Eyni zamanda, alınan mal və ya xidmətlər də bu vergi növünün ödəyicisi olmalıdır. O da əlavə edilməlidir ki, ƏDV-nin bir hissəsinin qaytarılması yalnız yeni nəsil kassa aparatlarının tətbiq olunduğu obyektlərdə mümkündür.

Məlumdur ki, buğda ununun və çörəyin, heyvan və quş ətinin satışı 2024-cü ilədək ƏDV-dən azad edilib. Həmçinin bu ildən kitabların satışına da ƏDV tətbiqi aradan qaldırılıb.

Eyni zamanda, cari ildən üç il müddətində kənd təsərrüfatı məhsullarının pərakəndə satışı zamanı ƏDV malın bütöv məbləğindən deyil, ticarət əlavəsindən hesablanan verginin məbləği hesab edilir. Bu da o deməkdir ki, həmin məhsullara hesablanan ƏDV məbləği də digər məhsullarla müqayisədə azdır.

Ancaq burada bir məqam da var ki, ƏDV-nin bir hissəsinin qaytarılması bu vergi tətbiq edilən heç də bütün məhsullara şamil edilmir. Vergi Məcəlləsinin 165.5-ci maddəsində ƏDV-nin bir hissəsinin qaytarılmadığı məhsullar müəyyən edilib. Buraya neft və qaz məhsulları, avtomobillər, alkoqollu içkilər və tütün məmulatları aiddir.

Lakin o da vurğulanmalıdır ki, Vergi Məcəlləsinin 1 yanvar 2022-ci il tarixdən qüvvəyə minmiş müddəalarına əsasən, həmin tarixdən fiziki şəxs olan istehlakçılara göstərilmiş tibbi xidmətlərə görə ödənilmiş ƏDV-nin də bir hissəsinin geri qaytarılması həyata keçirilir.

Hazırda qaytarılan məbləğ nağdsız qaydada ödənilmiş ƏDV-nin 15 faizini, nağd qaydada ödənilmiş ƏDV-nin 10 faizini təşkil edir. 2023-cü ildən isə nağdsız qaydada ödənilmiş ƏDV-nin 20 faizinin, nağd qaydada ödənilmiş ƏDV-nin isə 10 faizinin geri qaytarılacağı gözlənilir.

Lakin burada da istisna var. Belə ki, cari ildən fiziki şəxs olan istehlakçılar tərəfindən ölkə ərazisində bina tikintisi fəaliyyəti ilə məşğul olan şəxslərdən nağdsız qaydada alınmış yaşayış və qeyri-yaşayış sahələrinə görə ödənilmiş ƏDV-nin geri qaytarılan hissəsi onun 30 faizini təşkil edir. Vergi Məcəlləsinin 165.6-cı maddəsinə görə, bu, fiziki şəxs olan istehlakçılar eyni binadan bir və ya bir neçə yaşayış və (və ya) qeyri-yaşayış sahələrini aldıqda, ƏDV-nin qaytarılması alınmış yaşayış sahəsinin 500 kvadratmetr və qeyri-yaşayış sahəsinin 500 kvadratmetrdən çox olmayan hissəsinə mütənasib ödənilmiş ƏDV-yə tətbiq edilir.

Birxeber
İQTİSADİYYAT İQTİSADİYYAT
Azərbaycan nefti 4 dollara yaxın UCUZLAŞDI

Azərbaycan nefti 4 dollara yaxın UCUZLAŞDI

İQTİSADİYYAT İQTİSADİYYAT
Vahid Ələkbərov "LUKOYL"un rəhbərliyindən çıxdı

Vahid Ələkbərov "LUKOYL"un rəhbərliyindən çıxdı

İQTİSADİYYAT İQTİSADİYYAT
Bu ödənişlər gəlir vergisindən azaddır

Bu ödənişlər gəlir vergisindən azaddır

İQTİSADİYYAT İQTİSADİYYAT
Azərbaycan nefti bahalaşmağa davam edir

Azərbaycan nefti bahalaşmağa davam edir

İQTİSADİYYAT İQTİSADİYYAT
Azərbaycanda illik inflyasiya 13%-ə çatıb

Azərbaycanda illik inflyasiya 13%-ə çatıb

İQTİSADİYYAT İQTİSADİYYAT
Dövlət büdcəsi 6 ay ərzində 1268,9 mln. manat profisitlə icra edilib

Dövlət büdcəsi 6 ay ərzində 1268,9 mln. manat profisitlə icra edilib

İQTİSADİYYAT İQTİSADİYYAT
ƏDV qaytaran xidmət və məhsullar - ARAŞDIRMA

ƏDV qaytaran xidmət və məhsullar - ARAŞDIRMA

İQTİSADİYYAT İQTİSADİYYAT
Azərbaycan nefti 3%-dən çox BAHALAŞIB

Azərbaycan nefti 3%-dən çox BAHALAŞIB

İQTİSADİYYAT İQTİSADİYYAT
Azərbaycan nefti 4 dollara qədər UCUZLAŞIB

Azərbaycan nefti 4 dollara qədər UCUZLAŞIB

İQTİSADİYYAT İQTİSADİYYAT
"Azeri Light" BAHALAŞIB

"Azeri Light" BAHALAŞIB

İQTİSADİYYAT İQTİSADİYYAT
Nazir: “İşğaldan azad edilmiş ərazilərimizdə BOEM-in inkişafı istiqamətində işlər aparılır”

Nazir: “İşğaldan azad edilmiş ərazilərimizdə BOEM-in inkişafı istiqamətində işlər aparılır”

İQTİSADİYYAT İQTİSADİYYAT
Azərbaycanda banklara vaxt qoyuldu - RƏSMİ

Azərbaycanda banklara vaxt qoyuldu - RƏSMİ