Gəncədə "Türk dünyası" adlı təhsil sərgisi keçirilib - YENİLƏNİB

Gəncədə "Türk dünyası" adlı təhsil sərgisi keçirilib.

"Report"un Qərb bürosunun məlumatına görə, Gəncə Dövlət Filarmoniyasının binasında keçirilən tədbirdə Azərbaycan, Türkiyə, Özbəkistan və Şimal Kipr Türk Cümhuriyyətinin ali məktəbləri, həmçinin təhsil agentlikləri iştirak edib.

Tədbirin sonunda sərgiyə qatılan elm ocaqlarının nümayəndələri mükafatlandırılıb.

Qeyd edək ki, sərginin məqsədi türk dövlətlərində fəaliyyət göstərən təhsil ocaqlarının əlaqələrinin inkişafı və tələbələrin xarici universitetlərdə təhsil almalarına köməklik göstərməsidir.

Oxşar tədbirin gələcəkdə digər türk dövlətlərində də keçirilməsi nəzərdə tutulub.

Gəncə şəhərində Türkiyə və Özbəkistan dövlətlərinin ali məktəblərinin sərgisi keçirilir.

"Report"un Qərb bürosunun məlumatına görə, Gəncə Dövlət Filarmoniyasının binasında keçirilən sərgidə hər iki dövlətin tanınmış ali məktəblərinin nümayəndələri və çox sayda tələbə və gənclər iştirak edir.

Ümumilikdə 15 ali məktəbin iştirak etdiyi tədbirə Türkiyənin Gəncədəki Baş konsulu Recep Öztop da qatılıb.