"Neftçi" Şamaxıdakı ilk oyunda əzmkar qələbə qazanıb

"Neftçi" Şamaxıdakı ilk oyunda əzmkar qələbə qazanıb

Futbol üzrə Azərbaycan Premyer Liqasında XXII tura start verilib.

"Birxeber"un məlumatına görə, turun açılış matçında "Şamaxı" və "Neftçi" komandaları üz-üzə gəlib. Şamaxı şəhər stadionundakı ilk qarşılaşma kimi tarixə düşən matç qonaqların əzmkar qələbəsi ilə yekunlaşıb - 2:1.

FIFA referisi Elçin Məsiyevin idarə etdiyi qarşılaşmada ilk qol 10-cu dəqiqədə vurulub. "Neftçi"nin "Şamaxı"da icarədə olan futbolçusu Rəhman Hacıyev cərimə zərbəsini dəqiq yerinə yetirərək, müqavilə üzrə məxsus olduğu klubu məyus edib. İlk yarı "Şamaxı"nın üstünlüyü ilə başa çatıb - 1:0.

Fasilədən sonra fəallığını artıran "Neftçi" 60-cı dəqiqədə bərabəlik qoluna imza atıb. Braziliyalı forvard Tiaqo Bezerra əks-hücumu dəqiq zərbə ilə tamamlayıb. 72-ci dəqiqədə isə onun həmyerlisi Ramon Maçado çoxgedişli kombinasiyadan sonra komandasının qələbə topunu vurub.

Bununla da "Neftçi" xalını 41-ə çatdıraraq, ikinci pillədə möhkəmlənib. 20 xala malik "Keşlə" isə 6-cı mövqedə qalıb.

14:25

Şamaxı şəhər stadionunda keçirilən ilk oyunda eyniadlı komanda ilə "Neftçi" üz-üzə gəlir.

"Birxeber"un məlumatına görə, qarşılaşmadan əvvəl "Şamaxı"nın futbolçuları Rail Məlikov və Ruslan Əmircanovun karyeralarını bitirdikləri rəsmən elan olunub. Klub prezidenti bu münasibətlə hər iki oyunçuya xatirə hədiyyəsi təqdim edib.

Qarşılaşmaya yerli sakinlər tərəfindən maraq böyükdür. 2 200 tamaşaçı tutumuna malik tribunalar tam dolub. Ayaq üstə qalanlar isə meydanı əhatələyən dəmir hasarlar arxasından izləyirlər.

Fəxri tribunada AFFA-nın prezidenti Rövnəq Abdullayev, icraçı vitse-prezident Elxan Məmmədov, Peşəkar Futbol Liqasının prezidenti Ramin Musayev, Şamaxı rayonunun icra başçısı Tahir Məmmədov və digər nüfuzlu qonaqlar yer alıblar.

Qeyd edək ki, hazırda "Şamaxı" komandası öndədir - 1:0. Yeganə qolu 10-cu dəqiqədə cərimə zərbəsindən Rəhman Hacıyev vurub.

Futbol Futbol
Sənan Qurbanov: "İstəməzdim ki, şamaxılı azarkeşlər qarşısında uduzaq"

Sənan Qurbanov: "İstəməzdim ki, şamaxılı azarkeşlər qarşısında uduzaq"

Futbol Futbol
"Neftçi" Şamaxıdakı ilk oyunda əzmkar qələbə qazanıb

"Neftçi" Şamaxıdakı ilk oyunda əzmkar qələbə qazanıb

Futbol Futbol
Samir Abasov: "Rəqib əsl şamaxılı kimi çıxış edirdi"

Samir Abasov: "Rəqib əsl şamaxılı kimi çıxış edirdi"

Futbol Futbol
Şamaxıdakı ilk oyun üçün heyətlər açıqlanıb

Şamaxıdakı ilk oyun üçün heyətlər açıqlanıb

Futbol Futbol
"Borussiya" Ukrayna klubu ilə xeyriyyə oyunu keçirəcək

"Borussiya" Ukrayna klubu ilə xeyriyyə oyunu keçirəcək