Naxçıvan MR Əmlak Məsələləri Dövlət Xidmətinin tabeliyində publik hüquqi şəxslər yaradılıb

Naxçıvan MR Əmlak Məsələləri Dövlət Xidmətinin tabeliyində publik hüquqi şəxslər yaradılıb

Naxçıvan Muxtar Respublikasının İqtisadiyyat Nazirliyi yanında Əmlak Məsələləri Dövlət Xidmətinin və Antiinhisar və İstehlak Bazarına Nəzarət Dövlət Xidmətinin tabeliklərində publik hüquqi şəxslər yaradılıb.

Birxeber.Az-nın Naxçıvan bürosu xəbər verir ki, bununla bağlı Naxçıvan Muxtar Respublikası Ali Məclisi sədrinin müavini Anar İbrahimov fərman imzalayıb.

Fərmana əsasən, Naxçıvan Muxtar Respublikasının İqtisadiyyat Nazirliyi yanında Əmlak Məsələləri Dövlət Xidmətinin tabeliyində aşağıdakı publik hüquqi şəxslər yaradılıb:

- Naxçıvan Muxtar Respublikası Hərracların Təşkili
üzrə Auksion Mərkəzinin əsasında “Hərracların Təşkili
Mərkəzi;

- "Daşınmaz Əmlakın Dövlət Kadastrı və Reyestri”.

Bununla yanaşı, Naxçıvan Muxtar Respublikasının İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin tabeliyində “Sertifikatlaşdırma və Metrologiya Mərkəzi” publik hüquqi şəxsi də yaradılıb.