Bakıda zəncirvari qəza baş verib, xəsarət alan var - FOTO

Bakının Xətai rayonunda zəncirvari yol-nəqliyyat hadisəsi baş verib.

APA xəbər verir ki, qəza Süleyman Vəzirov və Nəcəfqulu Rəfiyev küçələrinin kəsişməsində qeydə alınıb.

Belə ki, idarəetməni itirən "Hyundai" markalı minik avtomobilinin sürücüsü maşını əvvəlcə "Mercedes" markalı yük avtomobilinə çırpıb. Daha sonra minik maşını "Chevrolet" və "Nissan" markalı minik avtomobillərinə dəyib.

Hadisədə bir nəfər xəsarət alıb. Yaralıya əraziyə çağırılmış təcili tibbi yardım avtomobilində ilkin tibbi yardım göstərilib.

Avtomobillərə ciddi zərər dəyib. Qəza yerinə polis əməkdaşları cəlb edilib. Hadisənin təfərrüatı araşdırılır.