Tibbi Xidmətlər Zərfinin təkmilləşdirilməsi üçün yeni meyarlar müəyyənləşdiriləcək

Tibbi sığorta sahəsində normativ bazaya düzəlişlər ediləcək və Avropa təcrübəsinə uyğunlaşdırılacaq.

Birxeber xəbər verir ki, bunu Litva Respublikasının Milli Səhiyyə Fondunun nümayəndəsi Lina Noreykene bildirib.

Onun sözlərinə görə, 2 il davam edəcək layihə çərçivəsində normativ bazaya düzəlişlər ediləcək.

"Müqavilə bağlamaq üçün tibb işçilərinin seçilməsi, yəni İcbari tibbi sığorta çərçivəsində vətəndaşlara tibbi xidmətlərin göstərilməsi üçün tibb təchizatçıları ilə müqavilələrin bağlanması üçün yeni meyar və tələblər müəyyən olunacaq. Eyni zamanda səhiyyə üçün ödəniş üsullarının təkmilləşdirilməsi ilə bağlı təkliflər hazırlanacaq. Yeni müavinətlər paketinin hazırlanması üçün meyarlar və şərtlərə də yenidən baxılacaq. Müavinətlər paketi dedikdə Xidmətlər Zərfi nəzərdə tutulur” - deyə o bildirib.