IEA: İnkişafda olan ölkələrdə təmiz enerjiyə sərmayələr 6 dəfə artmalıdır

Qlobal istiləşməni 1,5°C-yə qədər məhdudlaşdırmaq üçün Çindən (təmiz enerjiyə yatırılan investisiyalarının artımında böyük payı var – red.) kənar inkişaf etməkdə olan ölkələrdə təmiz enerjiyə sərmayələr 6 dəfə artırılmalıdır.

Bu barədə “Birxeber.Az-Economics” Beynəlxalq Enerji Agentliyinin müvafiq hesabatına istinadən xəbər verir.

Hesabata əsasən, inkişafda olan ölkələrdə təmiz enerjinin inkişafına yönəldilən sərmayələr bugünkü 270 milyard ABŞ dollarından 2030-cu illərin əvvəli üçün 1,6 trilyon dollara qədər artırılmalıdır.

Bundan əlavə hesabatda vurğulanır ki, qeyd olunan hədəflərə çatmaq üçün, güzəştli maliyyənin əlçatanlılığı (ilk növbədə beynəlxalq inkişaf maliyyə institutları tərəfindən) isə bu müddət ərzində üç dəfə artırılmalıdır.

Gələn 10 il ərzində inkişaf etməkdə olan ölkələrdə ümumi təmiz enerji sərmayələrinin demək olar ki, yarısı kommunal miqyaslı günəş və külək layihələri, elektrik şəbəkələri və daha enerji qənaət edən bina dizaynları və cihazlarına xərclənməlidir.