Kambocalı deputat: Seçkilərdə hər hansı zorakılıq, qanun pozuntusu aşkar edilməyib

Səsvermə məntəqəsinin açılmasından, bağlanmasına və səslərinin sayılmasına qədər bütün prosesləri müşahidə etmişik.

APA xəbər verir ki, Kamboca Parlamentinin üzvü Mosine Sos 7 fevral Azərbaycanda keçirilən növbədənkənar prezident seçkilərlə bağlı danışarkən deyib.

O bildirib ki, nümayəndə heyəti müxtəlif seçicilərlə danışıqlar aparıb:

"Namizədlər, onların səlahiyyətli nümayəndələri ilə görüşmüşük. Bütün baş çəkdiyimiz məntəqələrdə seçki və seçicilər üçün bütün lazımı şərait yaradılmışdı. Şəffaf proses təmin edilmişdi, bu proses tam izləyə bildik. Səslərinin sayılması beynəlxalq standartlara uyğun keçirildi. Bu səbəbdən çox səmərəli oldu. Müşahidəmiz zamanı seçicilərin vəhdətini gördük. Bütövlüklə sülh şəraitində səsvermə prosesin keçdiyini müşahidə etdik. Azərbaycanda seçki azad, ədalətli və şəffaf keçirilib. Proses demokratik baş tutdu. Hər hansı zorakılıq, qanun pozuntusu aşkar edilməyib. Azərbaycan hökumətini və xalqını seçkilərlə bağlı təbrik edirik".