Portuqaliya klubu ilə matç üçün "Qarabağ" azarkeşlərinə ayrılmış biletlərin sayı müəyyənləşib

UEFA Avropa Liqasının pley-off mərhələsinin ilk matçında Portuqaliyada "Braqa"nın qonağı olacaq "Qarabağ"a 1500 bilet ayrılıb.

Bu barədə "Report"a Ağdam təmsilçisinin mətbuat katibi Anar Hacıyev məlumat verib.

Onun sözlərinə görə, qarşılaşmadan iki saat əvvəl səfər tribunası üçün biletlər satışa çıxarılacaq.

Komanda fevralın 13-də, saat 17:00-da sözügedən ölkəyə yollanacaq və görüşdən sonra Vətənə qayıdacaq.

Qeyd edək ki, fevralın 15-də təşkil olunacaq "Braqa" - "Qarabağ" oyunu Bakı vaxtı ilə saat 00:00-da başlayacaq. Cavab matçı fevralın 22-də gerçəkləşəcək.