Ukrayna Rusiyanın Qara dənizdəki döyüş gəmilərinin üçdə birini sıradan çıxarıb

Ukrayna Rusiyanın Qara dənizdəki döyüş gəmilərinin üçdə birini sıradan çıxarıb

Ukrayna qüvvələri müharibənin başlamasından sonra Rusiyanın Qara Dəniz Donanmasının bütün döyüş gəmilərinin təxminən 33%-ni sıradan çıxarıb.

APA “Ukrainska Pravda”ya istinadən xəbər verir ki, bu barədə Ukrayna Silahlı Qüvvələrinin Baş Komandanı ofisinin Strateji Kommunikasiyalar Departamentinin (StratCom) məlumatında bildirilib.

“Ukrayna Silahlı Qüvvələrinin Baş Qərargahı bəyan edib ki, bizim hərbçilərimiz Rusiyanın 24 gəmisini və 1 sualtı qayığını sıradan çıxarıb. Açıq mənbələrdə Rusiyanın Qara Dəniz Donanmasının tammiqyaslı işğalın başlanğıcında ümumilikdə 74 döyüş gəmisinin olduğu göstərilib”, - “StratCom”un məlumatında qeyd edilib.