İsrailin müdafiə naziri: Qəzzadakı əməliyyat dünya hərb tarixinin ən çətinlərindən biridir

İsrailin müdafiə naziri: Qəzzadakı əməliyyat dünya hərb tarixinin ən çətinlərindən biridir

“İsrail ordusunun Qəzza zolağında keçirdiyi əməliyyat dünya hərb tarixinin ən çətinlərindən biridir”.

“Report” xəbər verir ki, bunu İsrailin müdafiə naziri Yoav Qalant deyib.

O qeyd edib ki, İsrail qoşunları Fələstinin HƏMAS radikal hərəkatı tərəfindən anklavda inşa edilən yeraltı tunellərdə inamla fəaliyyət göstərir.

“Mən burada sizə açıq və birmənalı şəkildə demək istəyirəm: Qəzzada quru əməliyyatı bütün bəşəriyyətin müharibələri tarixində ən çətin əməliyyatlardan biridir.

Mən müharibələrin tarixini yaxşı bilirəm və sizə bunu deyirəm: İsrail Müdafiə Qüvvələri əvvəllər heç vaxt görülməmiş bir əməliyyat həyata keçirir, bunu peşəkarcasına, cəsarətlə, fədakarlıqla edir və təsirli nəticələr əldə edirlər ”,- deyə o qeyd edib.