Rusiya FTX Krım rəhbərlərindən birinə qarşı planlaşdırılan terror aktının qarşısını alıb

Rusiya Federal Təhlükəsizlik Xidməti Ukrayna Təhlükəsizlik Xidmətinin Krım Respublikasının rəhbərlərindən birinə qarşı təşkil etdiyi terror aktının qarşısını aldığı barədə məlumat yayıb.

Birxeber.Az-nın Rusiya bürosu xəbər verir ki, məlumatda Ukrayna Təhlükəsizlik Xidmətinin göstərişi ilə Simferopolda avtomobili partlatmağa hazırlaşan üç nəfərdən ibarət rusiyalının saxlanıldığını bildirilib.

Qeyd olunub ki, saxlanılan şəxslər etiraf ifadəsi veriblər. Onlardan Almaniya istehsalı olan modifikasiya edilmiş tank əleyhinə minadan hazırlanmış, çəkisi 1,9 kq olan heksogen əsaslı yüklü radio ilə idarə olunan əldəqayırma partlayıcı qurğu, habelə çəkisi 3,05 kq olan heksogen C-4 əsasında xarici istehsal olan partlayıcı qurğu aşkar edilib.

Faktla bağlı cinayət işləri başlanıb.