İsrailin yeni səfiri Rusiya XİN-ə çağırılacaq

İsrailin yeni səfiri Simone Halperin Rusiya Xarici İşlər Nazirliyinə çağırılacaq.

APA-nın Moskva müxbiri xəbər verir ki, buna səbəb İsrail səfirinin “Kommersant” nəşrinə müsahibəsində Rusiyanın xarici siyasət yanaşmalarını və tarixi reallıqları təhrif edən qəbuledilməz açıqlamaları olub.

TASS və RİA Novosti agentliklərinin Rusiya XİN-dəki mənbəyə istinadən yaydıqları məlumata görə, rəsmi Moskva israilli diplomatı "Smolenskaya meydanına" çağırmaq qərarına gəlib.

Qeyd edək ki, Halperin məlum müsahibədə xüsusən də HAMAS-ın niyə Rusiyanın terror təşkilatları siyahısına daxil edilmədiyi sualını verib. "Rusiyanın mövqeyi məni narahat edir, çünki buna görə ölkəniz israillilərin, o cümlədən rusdillilərin rəğbətini itirir", - deyə İsrail səfiri müsahibəsində bildirib.