Stanislav Çerçesov: "Qarabağ" "Sürix"lə oyunda uğur qazanmağa layiq idi"

Stanislav Çerçesov: "Qarabağ" "Sürix"lə oyunda uğur qazanmağa layiq idi"

"Azərbaycan təmsilçisi "Sürix"lə görüşdə uğur qazanmağa layiq idi".

"Birxeber"un məlumatına görə, bunu Macarıstanın "Ferentsvaroş" komandasının baş məşqçisi Stanislav Çerçesov UEFA Çempionlar Liqasının III təsnifat mərhələsindəki rəqibi "Qarabağ" haqqında "Sport-Ekspress"ə müsahibəsində deyib.

59 yaşlı rusiyalı mütəxəssis Bakıya uzun səfərlə bağlı danışmağın mənasız olduğunu bildirib: "Sürix" "Qarabağ"la dueldən məğlub ayrılıb. Azərbaycanlılar bu uğura layiq idi. Ona görə bu barədə danışmaq mənasızdır. Biz bazar ertəsi səhər tezdən rəqib haqqında düşünməyə başlayacağıq. Bakıya çərşənbə axşamı səyahət edəcəyik. Bazar günü isə Macarıstan çempionatına start verəcəyik. Bu turnirdə maksimal hədəflərimiz var".

Qeyd edək ki, "Qarabağ" ilk matçını avqustun 3-də Bakıda, cavab qarşılaşmasını isə avqustun 9-da Budapeştdə keçirəcək.