Azərbaycanda xaricdən gələn telefonları klonlanmış IMEI kodla satırlar

Azərbaycanda xaricdən gələn telefonları klonlanmış IMEI kodla satırlar

Azərbaycanda bəzi satıcılar xaricdən gətirilən yeni telefonların ucuz qiymətə IMEI qeydiyyatını aparırlar.

birxeber.az bildirir ki, onlar başqa cihazların və yaxud hazırda aktiv olan başqasına məxsus smartfonların IMEI kodlarını yeni gələn telefonlara klonlayıb satırlar. Nəticədə belə telefonları alan şəxslər üçün ciddi təhlükə yaranır. Bu barədə Trend dekabrın 17-də məlumat yayıb.
Məsələ barədə danışan informasiya-kommunikasiya texnologiyaları üzrə ekspert Ramazan Seyidovun sözlərinə görə, yeni alınan telefonun arxasında IMEI nömrəsi olan etiketi çıxarıb cihazın qutusuna qoymaq lazımdır. O bildirib ki, telefon qutusunu atmamaq, cihaza aid olan hər şeyi onun içərisində saxlamaq məsləhətdir.
“İşlənmiş telefon almağa hazırlaşsanız belə, faktura və qutunun telefonun ilk sahibində olmasına diqqət edin. Əks halda siz IMEI-nin klonlaşdırılması ilə qarşılaşmısınız və ya klonlanmış IMEI-li telefon almısınız”, – deyə ekspert vurğulayıb.
Vətəndaşlar “imei.az” saytına daxil olaraq telefonun arxasındakı “stiker”lə onu yoxlaya bilər. Əgər telefon istifadəçisi cihazının klonlaşdırılması ilə bağlı sms bildiriş alarsa, 30 gün müddətində telefon bloklanacaq.