ABŞ-nin Ukraynaya yeni yardım paketinə “Avenger” və “Patriot” üçün raketlər daxildir

ABŞ-nin Ukraynaya yeni yardım paketinə “Avenger” və “Patriot” üçün raketlər daxildir.

“Report” Pentaqonun saytına istinadən xəbər verir ki, ABŞ Prezidenti Cozef Baydenin administrasiyası Ukraynaya 300 milyon dollarlıq yeni hərbi yardım paketi ayırıb.

Buraya “Patriot” kompleksləri və “HIMARS” (ing. “High Mobility Artillery Rocket System” – Yüksək Mobilli Raket-Artilleriya Sistemi), “Stinger” və “Avenger” hava hücumundan müdafiə sistemləri üçün əlavə döyüş sursatları, hava hücumundan müdafiə üçün AIM-7 “Sparrow” ilə hava-hava raketləri daxildir. Silahlar siyahısında həmçinin 105 mm-lik tank sursatları, 155 mm və 105 mm çaplı artilleriya mərmiləri, dronlar üçün döyüş sursatları var.