Gəncədə süni göl daşıb, evlərə və küçələrə su dolub

Gəncə şəhərində yerləşən Heydər Əliyev Park Kompleksindəki süni göl daşıb.

“Birxeber.Az”un Qərb bürosunun məlumatına görə, yaxınlıqda olan küçələri su basıb, fərdi yaşayış evlərinə və həyətyanı sahələrə su dolub.

Əraziyə Fövqəladə Hallar Nazirliyinin əməkdaşları və digər qurumların nümayəndələri cəlb edilib.

Qeyd edək ki, mayın 26-sı səhər şimal və qərb rayonlarından başlayaraq 31-i gündüzədək hava şəraitinin bəzi yerlərdə arabir yağıntılı olacağı gözlənilir.