Bazar iştirakçılarına dair meyarlar müəyyənləşəcək
Bazar iştirakçılarına dair meyarlar və onlar tərəfindən təmin edilən mallarla bağlı dövlət ehtiyatları üzrə məsul orqana məlumat təqdim edilməsi qaydası müəyyənləşəcək.
APA-nın xəbərinə görə, bu, Prezident İlham Əliyevin “Dövlət ehtiyatları haqqında” qanunun tətbiqi barədə fərmanında əksini tapıb.
Nazirlər Kabineti 6 ay müddətində bazar iştirakçılarına dair meyarları və onlar tərəfindən təmin edilən mallarla bağlı dövlət ehtiyatları üzrə məsul orqana məlumat təqdim edilməsi qaydasını təsdiqləyib Azərbaycan Respublikasının Prezidentinə məlumat verməlidir.