Beyləqanda 15 nəfər pambıq yığımı zamanı zəhərlənib, araşdırma aparılır

Beyləqan rayonunda 15 nəfər pambıq yığımı zamanı zəhərlənib.

“Birxeber” xəbər verir ki, zəhərlənən şəxslər dərhal Rayon Mərkəzi Xəstəxanasına çatdırılıb.

TƏBİB-dən “Birxeber”a bildirilib ki, onların vəziyyətləri qənatbəxşdir, gün ərzində ambulator müalicə üçün evə buraxılacaqlar.

Baş Prokurorluğun Mətbuat Xidmətindən “Birxeber”un sorğusuna cavab olaraq bildirib ki, qeyd olunan faktla bağlı hazırda Beyləqan Rayon Prokurorluğunda araşdırma aparılır.