Bişkek İES-dəki qəzanın təxribat olduğu istisna edilmir

Bişkek İES-dəki qəzanın təxribat olduğu istisna edilmir

Qırğızıstan Fövqəladə Hallar Nazirliyi Bişkek istilik elektrik stansiyasında (İES) qəzanın təxribat səbəbindən baş verdiyini istisna etmir.

Birxeber.Az-nın Mərkəzi Asiya bürosu xəbər verir ki, Qırğızıstanın fövqəladə hallar naziri Boobek Ajikeev mətbuat konfransında bildirib ki, təxribat versiyası nəzərdən keçirilir.

Onun sözlərinə görə, ərazidə fövqəladə vəziyyət rejimi elan edilib.

“Məktəblər və uşaq bağçaları onlayn təhsil rejiminə keçirilib. Vəziyyət prezidentin nəzarətindədir. Temperaturun azalması səbəbindən elektrik enerjisi istehsalı artıb. Təmir işləri nəzərə alınmaqla əvvəlki rejimin bərpası 5-7 gün çəkə bilər", - Ajikeev əlavə edib.

Ölkənin Səhiyyə Nazirliyinin məlumatına görə, İES-də baş verən qəza nəticəsində 5 nəfər xəsarət alıb.

Əhməd Əkbərov