İtaliyanın MN Ukrayna hərbçilərinin ölkədə təlim keçəcəyini təsdiqləyib

İtaliya Müdafiə Nazirliyi ukraynalı hərbçilərin təlimində iştirak etmək imkanını nəzərdən keçirib.

“Report”un ANSA agentliyinə istinadən verdiyi məlumata görə, bunu qurumun rəhbəri Quido Krozetto parlamentin xarici işlər və müdafiə komissiyalarının birgə iclasında deyib.

Onun sözlərinə görə, söhbət digər məsələlərlə yanaşı, ölkə ərazisində yerləşən hərbi obyektlərdə təlim keçməkdən gedir.

Müdafiə naziri təsdiq edib ki, İtaliya “Brüsselin komandanlığı altında Polşa və Almaniyaya göndərilməli olan kadrların köməyi ilə” Ukrayna Silahlı Qüvvələrinin (USQ) döyüşçülərinin hazırlanması üzrə Avropa təşəbbüsündə iştirak etmək niyyətindədir.

İtaliyadakı Ukrayna hərbçilərinə ixtisaslaşdırılmış təlim kursları təklif olunacaq.