Beynəlxalq Çövkən Federasiyasının rəhbər heyəti seçilib

Beynəlxalq Çövkən Federasiyasının rəhbər heyəti seçilib

Beynəlxalq Çövkən Federasiyasının rəhbər heyəti seçilib.

Birxeber.Az xəbər verir ki, bu sözləri Beynəlxalq Çövkən Federasiyasının prezidenti Bəhruz Nəbiyev jurnalistlərə açıqlamasında deyib.

Onun sözlərinə görə, bu gün keçirilən Baş Assambleyada Beynəlxalq Çövkən Federasiyasının əsasnaməsi təsdiqini tapıb:

"İki gün ərzində Binə Atçılıq Mərkəzində keçirilən tədbirə 19 ölkədən 29 nümayəndə qatılıb. Beynəlxalq Çövkən Federasiyasının bu gün keçirilən görüşündə Federasiyasının vitse-prezidentlərinin və region qrupların rəhbərləri seçildi. Bu gün 3 vitse-prezident seçildi. Vitse-prezident postuna Böyük Britaniyadan Anna Holl, Türkiyədən Zübeyir Bekiroğlu və Mərakeşdən Mohammed Mubdi seçiliblər. Polşanın nümayəndəsi Matsey Miçel Olbriç baş katib olub. Bizim hazırda 6 regional qrupumuz var", - o deyib.

Qeyd edək ki, ötən gün Binə Atçılıq Mərkəzində Beynəlxalq Çövkən Federasiyasının təsis edilməsi ilə əlaqədar Baş Assambleyanın iclası keçirilib. İclasda keçirilmiş seçkilərdə səsvermənin nəticələrinə uyğun olaraq Bəhruz Nəbiyev Beynəlxalq Çövkən Federasiyasının prezidenti, Polşanın nümayəndəsi Matsey Miçel Olbriç isə Baş katib seçilib.