Litva iyunun 17-dək yüklənmiş bütün Rusiya mallarını Kalininqrada buraxacaq

Litva bəyan edib ki, iyunun 17-dək yüklənmiş bütün Rusiya mallarının respublika ərazisindən keçməsinə icazə veriləcək.

“Birxeber” xəbər verir ki, bu barədə Rusiyanın Litvadakı müvəqqəti işlər vəkili Sergey Ryabokon məlumat verib.

Onun sözlərinə görə, iyunun 17-dən sonra yüklənmiş malların Litva ərazisindən keçməsinə icazə verilməyəcək:

“Qeyd etmək lazımdır ki, söhbət müəyyən vəzifələrdən gedir, başqa məsələdir ki, onların sayı hədsiz çoxdur. Və Kalininqrad vilayətinin qubernatoru Anton Alixanov deyir ki, bu, Kalininqradın aldığı bütün əmtəə məhsullarının təxminən yarısıdır”, - o qeyd edib.