Nümayəndələr Palatasının sədri: "Azərbaycan Avropanın ən qabaqcıl ölkələri ilə müqayisə oluna biləcək dərəcədə inkişaf yolundadır"
https://birxeber.az//uploads/photo/numayendeler-palatasinin-sedri-azerbaycan-avropanin-en-qabaqcil-olkeleri-ile-muqayise-oluna-bilecek-derecede-inkishaf-yolundadir.webp
Azərbaycan Avropanın ən qabaqcıl ölkələri ilə müqayisə oluna biləcək dərəcədə inkişaf yolundadır.
"Birxeber.Az"un xəbərinə görə, bu fikirləri İordaniya Haşimilər Krallığı parlamentinin Nümayəndələr Palatasının sədri Əhməd Əs-Səfadi mayın 16-da Azərbaycan Respublikasının Prezidenti İlham Əliyevin qəbulunda olarkən deyib.
Əhməd Əs-Səfadi qeyd edib ki, Azərbaycan dövlətinin banisi Heydər Əliyevin yorulmaz fəaliyyəti nəticəsində ölkəmiz böyük uğurlara və nailiyyətlərlə imza atıb.
O vurğulayıb ki, Azərbaycanla İordaniya arasında dostluq və tərəfdaşlıq münasibətlərinin əsasının qoyulmasında dünya səviyyəli şəxsiyyətlər Heydər Əliyevin və İordaniya Kralı Hüseyn bin Talalın xüsusi rolları olub.
