Pənahəli xan Cavanşirin başdaşı bərpadan sonra ilk dəfə nümayiş olunur - FOTO

Pənahəli xan Cavanşirin başdaşı bərpadan sonra ilk dəfə nümayiş olunur - FOTO

Milli Azərbaycan Tarixi Muzeyində keçirilmiş növbəti tədbirdə Qarabağ xanlığının yaradıcısı, Şuşa şəhərinin banisi Pənahəli xan Cavanşirin (1693-1763) başdaşı bərpadan sonra geniş ictimaiyyətə təqdim edilib.

Birxeber xəbər verir ki, açılış mərasimində Milli Azərbaycan Tarixi Muzeyinin Baş direktoru, akademik Nailə Vəlixanlı, AMEA-nın vitse-prezidentləri - akademik İsa Həbibbəyli, akademik Gövhər Baxşəliyeva, muzeyin icraçı direktoru, t.ü.f.d., dosent Fərhad Cabbarov, AMEA Rəyasət Heyəti aparatının məsul əməkdaşları, KİV, ictimaiyyət və mədəniyyət nümayəndələri, muzey əməkdaşları iştirak ediblər.

Tədbiri giriş sözü ilə akademik Nailə Vəlixanlı açaraq, tədbirin əhəmiyyəti barədə ətraflı məlumat verdi. Akademik qeyd etdi ki, son illər Milli Azərbaycan Tarixi Muzeyində Qarabağ, o cümlədən Şuşa şəhərinin tarixi və mədəniyyəti ilə bağlı zəngin kolleksiyanın toplanması, tədqiqi və təbliği sistemli şəkil almışdır. N.Vəlixanlı həmçinin zalda Qarabağ və Şuşa tarixi ilə bağlı bir sıra digər unikal eksponatların da nümayiş olunduğunu vurğuladı. Bildirdi ki, bu gün ilk dəfə üzərində Qarabağda zərb edilməsi barədə yazı olan XIV əsrin gümüş pulu, Qarabağ xanlığının “panabadi” pulları, Şuşa qala qapılarının iki gümüş açarı, İbrahimxəlil xanın (1763-1806) hakimiyyət rəmzi olan şeşpəri, nadir sənəd, foto və rəsmlər, musiqi alətləri, şair Molla Pənah Vaqifin məqbərəsi inşa edilən zaman tikinti yerində aşkarlanan gil qab və başqa dəyərli eksponatlar da nümayiş olunur.

AMEA-nın vitse-prezidenti, akademik İsa Həbibbəyli qeyd etdi ki, bu sərgi ictimai, siyasi və tarixi baxımdan mühüm əhəmiyyət kəsb edir. İ.Həbibbəyli muzeydə Qarabağ xanı Pənahəli xan Cavanşirin başdaşının bərpadan sonra ilk dəfə geniş ictimaiyyətə təqdim olunmasının təqdirəlayiq, tarixi bir hadisə olduğunu xüsusilə vurğuladı. Akademik çıxışında Milli Azərbaycan Tarixi Muzeyində keçirilən sərgilərin, tədbirlərin mühüm əhəmiyyətə malik olduğunu və muzeydə qorunub saxlanılan qiymətli eksponatların, maddi-mədəniyyət abidələrimizin ziyarətçilərdə tariximizin və mədəniyyətimizin bu günədək keçdiyi inkişaf yolu barədə ətraflı təsəvvür formalaşdırmasına imkan verdiyini də bildirdi.

AMEA-nın vitse-prezidenti, akademik Gövhər Baxşəliyeva isə nümayiş olunan Qarabağ və Şuşa tarixi ilə bağlı eksponatların həmin dövrün araşdırılması, tədqiqi və təbliği baxımından tədqiqatçılar üçün əhəmiyyətli mənbə olacağını tədbir iştirakçılarının diqqətinə çatdırdı.

Məlumdur ki, Pənahəli xan Ağdamın İmarət qəbiristanlığında dəfn edilmiş, qəbri üzərində türbə inşa olunmuşdur. Pənahəli xanın türbəsi haqqında ilk elmi məlumatlar 1940-cı illərdə verilsə də, yalnız 1970-ci illərdə onların əsaslı şəkildə tədqiqi həyata keçirilmişdir. Türbədə xanın qəbri üzərində olan başdaşı 1974-cü ildə Bakıya gətirilmiş, Azərbaycan Tarixi Muzeyinə təhvil verilmişdir. Uzun müddət ərzində müvafiq şərait olmadan saxlanılan başdaşının zahiri görünüşü qeyri-qənaətbəxş idi. Nəticədə kolleksiyaya daxil olan eksponatların tarixçələrinin öyrənilməsi, onların tədqiq edilməsi, təmir və bərpa olunması, təmizlənməsi çox vaxt və səy tələb etmişdir.

Muzeyin Elmi ekspozisiya və sərgilərin təşkili şöbəsinin müdiri, sərginin kuratoru, t.ü.f.d,, dosent Səbuhi Əhmədov qeyd edib ki, muzeyin Bərpa laboratoriyasında başdaşı üzərindəki yazı və naxışlar orijinal hallarına xələl yetirmədən müasir vasitə və üsullar istifadə edilərək təmizlənmiş, zədəli yerləri bərpa edilmişdir. Başdaşının nümayişi üçün muzeyin daimi ekspozisiyasının 1-ci mərtəbəsində zal ayrılmış, burada İmarət qəbiristanlığındakı türbənin maketi hazırlanmış və başdaşı qurulmuşdur. Həmçinin zalda başdaşının yazısının oxunması, türbənin tarixi ilə bağlı məlumatlar olan informasiya panelləri, rəssam Əjdər Qafarovun “Pənahəli xan Cavanşir” adlı rəsm əsəri yerləşdirilmişdir.

Nəzərinizə çatdıraq ki, Milli Azərbaycan Tarixi Muzeyində Şuşa şəhərinə həsr olunmuş xüsusi sərgi və sərginin kataloqu hazırlanmaqdadır (sərginin açılışı və kataloqun təqdimatı cari ilin noyabr ayına planlaşdırılır).

Birxeber
MƏDƏNİYYƏT MƏDƏNİYYƏT
“II Azərbaycan Beynəlxalq Vokalçılar Festivalı”nın ikinci günü "Arşın mal alan" operettası ilə başa çatıb - FOTO

“II Azərbaycan Beynəlxalq Vokalçılar Festivalı”nın ikinci günü "Arşın mal alan" operettası ilə başa çatıb - FOTO

MƏDƏNİYYƏT MƏDƏNİYYƏT
Pənahəli xan Cavanşirin başdaşı bərpadan sonra ilk dəfə nümayiş olunur - FOTO

Pənahəli xan Cavanşirin başdaşı bərpadan sonra ilk dəfə nümayiş olunur - FOTO

MƏDƏNİYYƏT MƏDƏNİYYƏT
Hüseyn Arifin hansı çariça ilə eşq macərası olub?

Hüseyn Arifin hansı çariça ilə eşq macərası olub?

MƏDƏNİYYƏT MƏDƏNİYYƏT
AzTV-də “Muğam” müsabiqəsi başlayıb

AzTV-də “Muğam” müsabiqəsi başlayıb

MƏDƏNİYYƏT MƏDƏNİYYƏT
Bülbülün doğum günüdür

Bülbülün doğum günüdür

MƏDƏNİYYƏT MƏDƏNİYYƏT
“Avroviziya”da 12 balı Britaniyaya vermək tələb olunub? -  Azərbaycan nümayəndə heyəti açıqladı

“Avroviziya”da 12 balı Britaniyaya vermək tələb olunub? - Azərbaycan nümayəndə heyəti açıqladı

MƏDƏNİYYƏT MƏDƏNİYYƏT
Əhməd Cavadın doğum günüdür

Əhməd Cavadın doğum günüdür

MƏDƏNİYYƏT MƏDƏNİYYƏT
Bayden jurnalistlərə: “Məndən də aşağı reytinqə malik amerikalıların yanında olmaqdan şadam” - VİDEO

Bayden jurnalistlərə: “Məndən də aşağı reytinqə malik amerikalıların yanında olmaqdan şadam” - VİDEO

MƏDƏNİYYƏT MƏDƏNİYYƏT
Mədəniyyət Nazirliyindən qırmızı dodaq boyası qadağasına - REAKSİYA

Mədəniyyət Nazirliyindən qırmızı dodaq boyası qadağasına - REAKSİYA

MƏDƏNİYYƏT MƏDƏNİYYƏT
Xalq artisti Vaqif Əsədov vəfat etdi

Xalq artisti Vaqif Əsədov vəfat etdi

MƏDƏNİYYƏT MƏDƏNİYYƏT
“Maşa və ayı”nın yeni bölümü Azərbaycana həsr olunub

“Maşa və ayı”nın yeni bölümü Azərbaycana həsr olunub

MƏDƏNİYYƏT MƏDƏNİYYƏT
Ayaz Salayev sədr seçildi

Ayaz Salayev sədr seçildi