Ərdoğan: “Xalqımın terror təşkilatlarından mədət umanlara həddini bildirmək ən böyük haqqıdır”

“Xalqımın terror təşkilatlarından mədət umanlara həddini bildirmək ən böyük haqqıdır”.

“Report”un Türkiyəyə ezam olunmuş əməkdaşının xəbərinə görə, bunu Türkiyə Prezidenti Rəcəb Tayyib Ərdoğan hakim Ədalət və İnkişaf Partiyasının (AK Parti) İstanbul Baxçalıevlərdəki mitinqi zamanı deyib.

Onun sözlərinə görə, mitinqə nə qədər insan gəldiyini sual verib: “Mənə sadəcə mitinq ərazisində 40 min insan olduğunu dedilər. Lakin bu kifayət deyil, mayın 14-də daha böyük rəqəmlər gözləyirik”.

Ərdoğan bildirib ki, bazar günü türk xalqı üçün çox önəmlidir: “Ona görə də xalqımın terror təşkilatlarından mədət umanlara həddini bildirmək ən böyük haqqıdır. Hər kəs yaxşı bilir ki, Kamal Kılıçdaroğlu indiyə kimi heç vaxt verdiyi sözləri tutmayıb. Bu adam seçki vədində deyir ki, Qərbdən 300 milyard dollar faizlə borc alacaq. Bu necə vəddir?! Ona görə də gülə-gülə Kamal Kılıçdaroğlu”.