Mindaudu: “Qlobal Bakı Forumu gələcəkdə pandemiyanın qarşısının alınması baxımından mühüm əhəmiyyət kəsb edir”

“IX Qlobal Bakı Forumu gələcəkdə pandemiyanın qarşısının alınması baxımından mühüm əhəmiyyət kəsb edir.

Bunu “Birxeber”a Nigerin sabiq xarici işlər naziri Ayşatu Mindaudu (Aïchatou Mindaoudou) bildirib.

Onun sözlərinə görə, forumun panel müzakirələrindən biri COVID-19 pandemiyasına həsr olunub, bu isə ölkələrə müzakirələr aparmağa və gələcəkdə bu cür qlobal çağırışların qarşısının alınması baxımından səhiyyə sistemləri üçün tövsiyələr hazırlamağa imkan verəcək.

“Bu forumda ilk dəfədir ki, iştirak edirəm. Çox şadam ki, bu cür vacib məsələlərin müzakirəsində iştirak edə bilirəm”, - Nigerin sabiq xarici işlər naziri deyib.

Onun sözlərinə görə, Bakıda keçirilən tədbir qlobal problemləri çox yüksək səviyyədə müzakirə etməyə imkan verir.

Xatırladaq ki, IX Qlobal Bakı Forumunda 50-dən çox ölkədən yüksək vəzifəli şəxslər, sabiq dövlət və hökumət başçıları, beynəlxalq və qeyri-hökumət təşkilatlarının rəsmi nümayəndələri, həmçinin digər fəxri qonaqlar iştirak edir.