Azərbaycan Kubokunda ikinci finalçı müəyyənləşir

Bu gün futbol üzrə Azərbaycan Kubokunda ikinci finalçı müəyyənləşəcək.

"Report"un məlumatına görə, yarımfinalın cavab oyununda "Qəbələ" "ASCO Arena"da "Səbail"in qonağı olacaq.

Əyalətdə keçirilmiş ilk görüşdə "qırmızı-qaralar" 3:2 hesablı qələbəyə seviniblər. Elmar Baxşıyevin baş məşqçi olduğu komandaya finala yüksəlmək üçün heç-heçə də kifayət edəcək. "Dənizçilər" isə mütləq qalib gəlməlidirlər.

Bu cütün güclüsü finalda "Neftçi"yə rəqib olacaq.

Azərbaycan Kuboku
Yarımfinal, cavab oyunları
27 aprel

20:00. "Səbail" - "Qəbələ"
İlk oyun - 2:3
Hakimlər: Əliyar Ağayev, Zeynal Zeynalov, Akif Əmirəli, Tural Qurbanov
Hakim-inspektor: İmanxan Sultani
AFFA nümayəndəsi: Seymur Səlimli
"ASCO Arena".

Qeyd edək ki, ölkə kubokunun final oyunu iyunun 3-də "Bakcell Arena"da keçiriləcək.